بسم الله الرحمن الرحيم
كيفكم جميعا الاول
يا رب تكونوا بخير
اليوم هشرح بإذن الله درس مهم فى لغه php وهو درس خفيف بس مهم هنعرف يعنى ايه Syntax
ويعنى ايهVariables واى س}ال او استفسار فى الدرس ده او اى حاجه مش مفهومه ياريت تقولوا لي لانه درس مهم بجد
=============================================
Syntax اللغويات للغه php
<?php دى بدايه الاسكربت
هنا الاسكربت
?>نهايه الاسكربت
<html>
<body>
<?php
echo "Hello World";
?>
</body>
</html>
echo= print ومعناها اطبع الجمله الى هتكتبها بعد echo ولازم بعد echo الكلام يبقى ما بين "الجمله"
وفى اخر كل الجمل الى هتبقى فى الاسكربت هذه العلامه : بس فى جمل مش هتنتهى بالعلامه دى وهنعرفها بعد كدا ان شاء الله فى الدروس القادمه
علشان نكتب بلغه php داخل لغه html فى كذا طريقه
الطريقه الاولى الى انا عملها فوق الى هى هكذا
<html>
<body>
<?php
الاسكربت
?>
</body>
</html>
وطبعا الملف ده يحفظ على هيئه ملف php
يعنى save as واختار php
بس الطريقه دى فيها شويه حاجات عايزكم تاخدو بالكم منها انى مثلا عايز اعمل جوه الاسكربت جدول
او فورما
والجدول او الفورما بيبقى فيها العلامات دى "" وعلشان اعمل الجدول او الفورما فى الاسكربت هعملها بعد كلمه echo وقولنا ان بعد كلمه echo لازم الكلام يبقى بين العلامتين دول""
فانت لو عملت الجدول او الفورما فى الاسكربت بالطريقه الى فوق وجيت تطبق الاسكربت مش هيشتغل لان العلامات هتنفى بعضها والى هيتبقى هو الى هيظهر همش هيبقى الجدول او الفورما كامله
الى انا عايز اوصله ان لو انت فى الطريقه السابقه هتعمل جدول او فورما هتبقى من غير العلامات دى "" يعنى هتعمل echo "الجدول او الفورما من غير هذه العلامات ("")"
والطريقه التانيه انى اعمل الاسكربت كده
<html>
<body>
<?php
هنكتب هنا كود الphp الى محتاجه واقفل الاسكربت
?>
واكمل هنا بلغه html ولو عايز اعمل كمان كود php تانى اعمل كدا
<?php
الكود الى انا محتاجه وهكذا طول الاسكربت
?>
</body>
</html>
وبرده الصفحه هتتحفظ بأمتداد php
والطريقه دى بنستخدمها لو الصفحه فيها شغل html كتير وشغل php حاجات بسيطه
فعلشان مش ننسى حكايه العلامات دى"" بنشتغل الصفحه بالطريقه التانيه
<html>
<body>
<?php
//لو عايز اكتب ملحوظه او تعليق مش بيظهر فى الصفحه عند عرضها على صفحه الانترنت يعنى دى ملحوظه ليك انت وبنستخدمه علشان نكتب الخريطه بتاعت الاسكربت او البرنامج يعنى علشان لو جيت بعد فتره اعمل تعديل على الاسكربت او اعمل تطوير له ابقى عارف كل منطقه فيه بتكلم عن ايه
/*
لو الملاحظات كتيره او كذا سطر يعنى مثلا داله مش مشهوره اوى بكتب تحتها ملاحظات علشان لو جيت اراجع الاسكربت او اعمل تطوير او تعديل عليه افهم الداله دى بتاعت ايه
*/
?>
</body>
</html>
الملاحظات دى بتبيين ان المبرمج الى قام ببرمجه الاسكربت ده مبرمج محترف ومبرمج فاههم وده لان انت لما تعمل ملاحظات ومثلا الاسكربت بتاعك ده ممتاز واى حد اخده يتعلم منه هيفهم من الملاحظات الاسكربت ماشى ازاى والخريطه بتاعته لو عنده فكره كويسه هيعملها ويعدلها
كدا نبقى انتهينا من النص الاول للدرس وهو ال Syntax
===============================================
ملحوظه هامه ياريت او حاجه مش مفهومه تقولولى عليها اشرحها بتفصيل اكتر لان الدرس مهم وسهل
===============================================
نيجى للنص التانى وهو الVariables المتغيرات
هندى مثال بسيط علشان نفهم المتغيرات صح
انا مثلا بعمل اله حاسبه بلغه php
هعمل مثلا فورما للعدد الاول والعمليه الحسابيه والعدد التانى والناتج
طيب انا عايز ااقول للاسكربت العدد الاول ده والعدد التانى نفذ عليهم العمليه الحسابيه وطلع الناتج هقوله كدا ازاى؟
هقوله العدد الاول ده هنسميه مثلا (s)
وهقوله العدد التانى ده هنسميه (a)
وهقوله العمليه الحسابيه (d)
وهقوله
echo"(a)(d)(s)"
يعنى اظهر الناتج بتاع (s)(d)(a)
ويطلعلى الناتج هنا بقى بنسمى (s) متغير اى قيمه انا بحتاجها فى الاسكربت وحافظها فى الاسكربت فى المتغير
مثال تانى للتوضيح اكتر
انا بعمل ابليكشن للتسجيل فى منتدى
ومطلوب من الزائر علشن يسجل يدخل بياناته الى هى عباه عن الاسم والباسورد والايميل
واول ما يسجل يطلع له مرحبا والاسم الذى ادخله
هنطبق المثال ده بلغه php
هنعمل الفورما الاسم والباسورد والايميل
وهقوله $s=الاسم :
وهقوله $a=الباسورد :
وهقوله $d=الايميل :
echo"مرحبا $s";
فى لغه php نرمز للمتغير $
انا شم عارف اشرح الامتغيرات بصوره ابسط من كده يارب تكونوا فاهمين فكره المتغيرات يعنى زى ما انا اكون عايز احتفظ بشئ هتاجه فى المستقبل بقوم بوضع الشئ ده داخل شنطه مثلا الشنطه دى هى المتغير
ملحوظه لو المتغير زكر مرتيين فى الاسكربت بيتنفذ على المتغير الاخير لان الاسكربت يتم قراته من اعلى لاسفل
يعنى انا عملت متغير a$ وبعدين كملت الاسكربت وجحيت فى اخر الصفحه عملت a$ بقيمه اخرا وبعدين عايز استعمل القيمه الى فى a$ هستعمل انهى قيمه الاولى ولا التانيه
الاجابه القيمه الثانيه هى الى هتستعمل وده لان الاسكربت يتم قراته من اعلى لاسفل
=====================================
يارب اكون وفيت فى شرحى واى سوال او استفسار انا موجود تحت امركم
اخوكم محمد Mr.php
التطبيق بتاع الدرس ياريت كل واحد يعمل تطبيق يبينلى فيه انه فاهم
اى تطبيق او الصفحه الى انت ذاكرت عليها الدرس ارفعها وخلاص
24-12-2007, 05:57
الدرس الرابع (Syntax&Variables) 
المواضيع المتشابهه 
العرض العادي
